Erum við að leita að þér?

HS Orka er framsækið og vaxandi fyrirtæki sem byggir á sjálfbærri orkunýtingu og nýsköpun. Við erum þriðji stærsti orkuframleiðandi landsins og framleiðum rafmagn í Svartsengi, Reykjanesvirkjun, Brúarvirkjun og Fjarðarárvirkjunum. Einnig seljum við heitt og kalt vatn til heimila og fyrirtækja.

Ef þú vilt ganga til liðs við fjölbreyttan og skemmtilegan hóp og býrð yfir ríkri öryggisvitund, þekkingu, reynslu og áhuga þá hvetjum við þig eindregið til að sækja um.

Við erum að stækka teymið okkar og leitum að sérfræðingi í stjórnbúnaði til að sjá um rekstur og viðhald á OT kerfum okkar.

Þú tilheyrir skemmtilega framleiðsluteyminu sem er hjartað í starfsemi okkar.

Umsóknarfrestur er til og með 26. febrúar 2026.

Nánari upplýsingar veitir Petra Lind Einarsdóttir, mannauðsstjóri, petra@hsorka.is.

Helstu verkefni

• Rekstur á SCADA/PLC kerfum orkuvera.
• Rekstur á OT kerfi HS Orku.

Menntunar- og hæfniskröfur

• Rafvirki, rafiðnfræðingur, rafmagnstæknifræðingur, rafmagnsverkfræðingur eða sambærileg menntun.
• Samskiptafærni, skipulagshæfni og öguð vinnubrögð.
• Frumkvæði, sjálfstæð vinnubrögð og lausnamiðað viðhorf.

HS Orka er framsækið og ört vaxandi orkufyrirtæki sem byggir á sjálfbærri nýtingu auðlinda. Áhersla er lögð á að skapa tækifæri með fullnýtingu auðlindastrauma í takti við náttúruna og í sátt við samfélagið.

Spennandi þróunarverkefni eru í undirbúningi á vegum fyrirtækisins, jafnt í jarðvarma sem vatnsafli, auk þess sem kostir vindorku eru til skoðunar til lengri tíma.

Við erum þriðji stærsti orkuframleiðandi landsins og framleiðum raforku í Svartsengi, Reykjanesvirkjun, Brúarvirkjun og Fjarðarárvirkjunum.

Við erum ótrúlega skemmtilegur hópur starfsfólks þar sem áhersla er lögð á lipurð í samskiptum, liðsheild og framsækni. Þannig náum við best markmiðum okkar um ábyrga auðlindanýtingu í sátt við samfélagið.